Markmið með jafnréttisáætlun OK er að tryggja að félagið hafi mannauðs-og jafnréttisstefnu og unnið sé með hana að leiðarljósi. Þá er áætluninni einnig ætla að tryggja að unnið sé í takt við lagakröfur um jafna stöðu og jafnan rétt fólks óháð kyni.
1 LAUN OG KJÖR
Hjá Opnum Kerfum taka starfskjör mið af hlutverki, ábyrgð og frammistöðu í starfi.
Að konur og karlar og fólk með hlutlausa skráningu kyns í þjóðskrá fái jöfn laun og njóti sömu kjara fyrir sömu eða jafn verðmæt störf.
1.1.1 Framkvæmd
• Mörkuð sé sérstök jafnlaunastefna hjá félaginu sem byggir á öðrum stefnum félagsins um jafnrétti.
• Unnð skal að launajafnrétti með virkjun jafnlaunakerfis sem uppfyllir viðmið jafnlaunastaðalsins ÍST 85:2012.
• Greina skal laun og önnur fríðindi starfsmanna með tilliti til hvort um kynbundin launamun sé að ræða.
• Komi fram í greiningum óútskýranlegur kynbundinn launamunur skal setja í gang áætlun til leiðréttingu á þeim mun.
OK skal hljóta jafnlaunavottun í samræmi við ákvæði laga.
Að fyrirtækið hljóti jafnlaunavottun út frá ÍST 85:2012 eigi síður en í árslok 2022 eða fyrr í samræmi við aukningu í fjölda starfsmanna.
2.1.1 Framkvæmd
3.1.1 Framkvæmd
• Í auglýsingum skulu störf ókyngreind og gæta skal þess að hafa kynhlutleysi í huga við gerð þeirra.
• Hvetja skal einstaklinga til að sækja um störf óháð kyni.
• Tryggja skal að jafnréttissjónarmið séu höfð að leiðarljósi í ráðningum og ráðningarferli sé eins fyrir alla einstaklinga óháð kyni.
• Tryggja skal að jafnréttissjónarmið séu höfð að leiðarljósi í starfsþróun og möguleikar kynjanna séu jafnir á ráðningum innan félagsins.
• Framkvæma kyngreinda samantekt yfir auglýst störf, umsækjendur og ráðningar.
Að jafna kynjahlutfall í starfsmannahópnum.
3.2.1 Framkvæmd
• Samantekt á kynjahlutföllum í öllum starfshópum, stjórnendateymum, deildum og svðum.
• Sæki tveir jafnhæfir einstaklingar um stöðu skal að jafnaði ráða þann einstakling sem er af því kyni sem er í minnihluta í viðkomandi starfi.
3.3 MARKMIÐ UM KYNHLUTLEYSI Í STARFSÞJÁLFUNAR OG SÍMENNTUNAR
Að kynin njóti sömu möguleika til starfsþjálfunar og til að sækja námskeið til að auka hæfni í starfi eða til undirbúnings öðrum störfum.
3.3.1 Framkvæmd
• Greina sókn kynjanna í starfsþjálfun, námskeið og endur-/símenntun.
• Leita skýringa komi fram kynbundinn munur á sókn starfsfólks í starfsþjálfun, namskeið og endur-/símenntun.
• Setja í gang aðgerðaráætlun til að hvetja til sóknar starfsfólks í ofangreint óháð kyni, komi í ljós kynbundinn munur.
4 SAMRÆMING FJÖLSKYLDU- OG ATVINNULÍFS
Opin Kerfi leitast við að auðvelda starfsfólki að samræma starfsskyldur sínar og ábyrgð gagnvart fjölskyldu. Áhersla er lögð á sveigjanleika þannig að starfsfólk geti, óháð kyni, axlað ábyrgð á fjölskyldu og heimili.
Að OK séu fjölskylduvænn vinnustaður sem viðheldur kerfi sveigjanlegs og fyrirsjáanlegs vinnutíma. Þá sé starfsfólki gert kleift að nýta rétt sinn til fæðingar- og foreldraorlofs ásamt leyfi vegna veikinda barna óháð kyni.
4.1.1 Framkvæmd
• Starfsfólki kynnt stefna fyrirtækisins sem tekur á samræmingu fjölskyldu- og atvinnulífs.
• Starfsfólk sé upplýst um úrræði á borð við sveigjanlegan vinnutíma og möguleikum á hlutastörfum þar sem því er við komið.
• Starfsfólk sé upplýst um þau réttindi sem það hefur, sér í lagi foreldrar og verðandi foreldrar, í tengslum við foreldra- og fæðingarorlof og leyfi vegna veikinda barna, ásamt því að starfsfólk sé upplýst um skyldur sem það hefur gagnvart vinnustaðnum í tengslum við áðurnefnt.
• Jafnvægi milli vinnu og fjölskyldulífs mælt í vinustaðagreiningum.
Tekin er skýr afstaða gegn einelti, kynferðislegri áreitni, kynbundinni áreitni og kynbundnu ofbeldi. Lögð er áhersla á að enginn starfsmaður sæti kynbundinni eða kynferðislegri áreitni, einelti né ofbeldi af neinu tagi.
Að kynbundið ofbeldi, kynbundin áreitni og kynferðisleg áreitni sé ekki liðið á vinnustaðnum og starfsmenn og stjórnendur þekki forvarnar- og viðbragðsáætlun sem tekur á þeim þáttum.
5.1.1 Framkvæmd
• Starfsfólk frætt um eðli og birtingarmyndir eineltis, kynbundins ofbeldis, kynbundinnar áreitni og kynferðislegrar áreitni.
• Stefnu, forvarnar- og viðbragðsáætlun viðhaldið.
• Stefna, forvarnar- og viðbragðsáætlun gegn einelti, áreitni og ofbeldi og annarri ótilhlýðilegri háttsemi aðgengileg og kynnt öllu starfsfólki.
OK leggja áherslu á að allt starfsfólk njóti virðingar og hafi jafna stöðu innan fyrirtækisins. Þá sé einstaklingum ekki mismunað á grundvelli kyns, aldurs, þjóðernis, fötlunar, trúarbragða, kynhneigðar eða annarra þátta.
Að efla vitund og þekkingu starfsfólks á jafnréttismálum og góðum samskiptaháttum.
6.1.1 Framkvæmd
• Málefni varðandi jafnrétti og þróun þess gerð sýnileg starfsmönnum.
• Aukin fræðsla um jafnréttismál og samskypti kynjanna, enda hljóti allir starfsmenn slíka fræðslu og sé hún innleidd í nýliðafræðslu nýrra starfsmanna.
• Stjórnendur séu þjálfaðir í hlutverki sínu með tilliti til jafnréttis og samskipta kynjanna.
