Vinnustaðurinn

Fólkið er fyrirtækið. OK er krefjandi og skemmtilegur vinnustaður þar sem starfsfólk er hvatt til að vera sjálfstætt í starfi og hafa áhrif á starfsumhverfið sitt. Hjá OK starfar samhentur hópur og kapp er lagt á að viðhalda góðum starfsanda, sem hefur skilað sér í ánægðu starfsfólki sem hefur fengið tækifæri til að vaxa og dafna í leik og starfi. Opin Kerfi hlaut viðurkenninguna Fyrirtæki ársins 2023 sem veitt er fyrirtækjum fyrir framúrskarandi vinnuumhverfi og starfsanda.

Fyrirtæki ársins 2023

OK hefur verið valið Fyrirtæki ársins 2023 í flokki stórra fyrirtækja. Þetta er þriðja árið í röð sem OK hlýtur þessa viðurkenningu frá VR sem hefur í rúm 20 ár staðið fyrir valinu á Fyrirtæki ársins.

Framúrskarandi fyrirtæki 2023

Við erum afar stolt af því að tilheyra flokki Framúrskarandi fyrirtækja hjá Creditinfo. Aðeins rúmlega 2% fyrirtækja á hlutafélagaskrá teljast Framúrskarandi samkvæmt Creditinfo. Síðastliðin fjórtán ár hefur Creditinfo unnið ítarlega greiningu sem sýnir hvaða íslensku fyrirtæki hafa sýnt fram á framúrskarandi rekstur.

Samskipti og starfsandi

Traust og heiðarleg samskipti eru lykilstoðir í menningu okkar. Við leitumst við að viðhalda opnum og óþvinguðum samskiptum okkar á milli, við berum virðingu hvort fyrir öðru og leggjum hvort öðru lið.

Hjá okkur eru öll í hópnum jafn mikilvæg og við leggjum mikla áherslu á að starfsfólk temji sér samskipti á jafningjagrundvelli.

Ráðningar

OK eru reglulega í leit að hæfileikaríku fólki sem passar vel inn í samhentan hópinn. Við leggjum áherslu á að ráða inn hæft fólk með fjölbreytta þekkingu og færni, sem þyrstir í að koma með okkur í spennandi vegferð og vaxa og dafna hjá okkur í leik og starfi.

Laus störf

Vertu vakandi fyrir spennandi tækifærum hjá OK og skoðaðu Alfreð síðuna okkar.

Hvað finnst starfsfólki okkar?

OK er frábær vinnustaður þar sem starfsfólk fær mjög mismunandi en skemmtileg verkefni á hverjum degi. Hjá OK eru tækifæri til að vaxa í starfi, bæta við þekkingu og kynnast öllum hornum upplýsingatækninnar. Starfsmönnum OK finnst líka mjög gaman að skemmta sér saman og er félagslífið mjög virkt fyrir þá sem vilja taka þátt í því.

Trausti EiríkssonSölustjóri búnaðar

OK er klárlega með bestu vinnustaðamenningu sem ég hef upplifað og hér eru frábærir vinnufélagar sem mynda eina góða heild. Fjölbreytt verkefni sem eru bæði í senn krefjandi og skemmtileg leysum við alla daga sem gerir það að enginn dagur er eins hjá OK.

Atli Rafn Viðarsson Forstöðumaður hugbúnaðarlausna

Það sem mér finnst frábært í OK er að við sem starfsfólk fáum hvatningu í að vera besta útgáfan af okkur sjálfum.

Ragnar Karel GunnarssonSérfræðingur, Hýsing og rekstur

Hjá OK hef ég fengið tækifæri til að vaxa og þróast í starfi samhliða því að fá að sinna áhugaverðum og fjölbreyttum verkefnum innan fyrirtækisins. Vinnustaðurinn hefur virkilega góða og skemmtilega stemmingu, hér eru allir alltaf til í að aðstoða og maður er stöðugt að læra eitthvað nýtt.

Indíana Eir ÁrnadóttirVerkefnastjóri lausna

Ég vinn í heildsölu OK. Þar fæ ég tækifæri til að sinna fjölbreyttum verkefnum í líflegu umhverfi með frábæru fólki, sem gera hvern vinnudag þann skemmtilegasta.

Ingveldur Gísladóttir Innkaup, innflutningur og útflutningur, Innkaup & Vörustýring

Félagslíf

OK er þekkt fyrir öflugt og virkt félagslíf. Hjá okkur eru starfræktir ýmsir klúbbar og hópar og ættu öll að finna eitthvað við sitt hæfi – Golfarar, bjórbruggarar, rauðvínsáhugafólk, bumbuboltaspilarar, göngugarpar eða borðspilarar svo fátt eitt sé nefnt.

Þá eru ýmsir viðburðir haldnir yfir árið og við erum dugleg að finna og nýta minnstu tilefni til að fagna. Við getum státað af frábærlega skemmtilegum árshátíðum, útilegum, fjölskyldudögum, jólaböllum, pub-quizum, ævintýraferðum og námskeiðum af ýmsum toga.

OKKUR LEIÐIST ALDREI

Sveigjanleiki

Við leggjum okkur fram við að tryggja starfsfólki sveigjanleika í starfi til að auðvelda öllum að tvinna saman vinnu og fjölskyldulíf.

Tölvubúnaður

Hugbúnaður

Prentbúnaður

NOC vöktunarþjónusta

Afritun & BCDR

Fjarþjónusta

Rekstrarráðgjöf

Veflausnir

Stafrænt faðmlag

Miðlægar lausnir

Netið

Öryggismál

Xroad

Lager og verkstæði

Fyrirtækið

Stefnur og skilmálar

Merki og litir

Samstarfsaðilar

Sjálfbærni

Efnisveitan